حنان خلدون تكتب: كلام فى هدوء وبأحترام

 

 
حنان خلدون تكتب: كلام فى هدوء وبأحترام

alt
ممكن نتكلم فى هدوء عن اللى بيحصل دلوقتى فى مصر
أولا : أنا لا أنتمى لاى حزب ، وانا من الشعب ، ال بيقولوا علينا الطبقه الوسطى بين المؤيدين والمعارضين
أحنا بقى لما نلاقى الاختلاف زاد بين المؤيدين والمعارضين بنلجأ الى الله ، كما قال الحبيب الغالى المصطفى ، تركت لكم ما أن تمسكتم به لن تضلوا أبدا
وخير الامور الوسط ، يعنى احنا الطبقه الوسطى، أى الواسطيه ... المهم مش هطول عليكم .. ندخل فى الموضوع :
أحنا طبعا قلبنا بيتمزق على ال بنشاهده الان ، مظاهرات
ودم بيسال ، ومصرى بيقتل مصرى ، وسالت الدماء على أرض مصر الحزينه ..

طيب ايه الحل فى المشكلة
الرئيس مش هيلغى الاعلان الدستورى ولا الحصانة ولا هيرجع النائب العام المقال عبد المجيد

والدستور اتعمل فى عشر ساعات صحيح تعبوا فيه جدا
وانا شاهدت ده بنفسى سهروا فيه حتى قبل ساعات قليله من الفجر ... بصراحه بذل فيه مجهود محصلش ولا هيحصل.
طيب مواد الدستور ... بصراحة لم يتركوا شيئا لم ينظمه الدستور ، كل شىء وأدخلوا مواد جديدة للشعب المصرى

بصراحة الدستور الجديد لاغبار عليه .. وأنت حر فى رأيك

وحوار الرئيس ال سمعناه ، والله كلامه يدخل الدماغ ومعقول بس لو أتنفذ هيبقى مصر تمام ..

طيب نبص على الناحيه الاخرى من المعارضين :
تعالوا نلقى نظره عليهم سويا :
البرادعى ، وعمرو موسى ، وحامدين صباحى و.....
كلهم معهم ناس يطالبوا بألغاء الاعلان الدستورى للرئيس الدكتور مرسى ...لانه غير دستورى ، وان بكده تتركز السلطات الثلاثة التشريعية والقضائية والتنفيذية فى أيد واحدة هى أيد الرئيس .

طيب هش هؤلاء كانوا مرشحين للرياسة من قبل والشعب رفضهم ، طيب هم عايزين أيه، أنا شايفه أنهم عايزينا نرجع للمربع صفر تانى ، يعنى نبدأ من أول وجديد
طيب هم عاملين نفسهم أوصياء على الشعب المصرى ال رفضهم فى أنتخابات الرياسة !!!

بصراحة كل تصرفاتهم معيبة وكمان مش بينظروا لمصلحة البلد ، هم شايفين الدمار والخراب ال بيحصل ، طيب عملوا أيه ... ولاعاجبهم مصر تبقى كده ...
ياريت يعملوا حاجه لتسوية اى خلاف ، ياريت يحبوا مصر شويه ويخافوا عليها ، أو يتركوها دون راجعة من حيث جاؤا

أنا طولت عليكم سامحونى

الحل فى نظرى والله أعلى وأعلم فتره الرياسه 4 سنوات

مر منهم 4 شهور واحنا فى مشاكل مستمره كل يوم!!

طيب نعمل أستفتاء على الدستور ، انا عامة هوافق عليه
لانى شوفته مادة مادة ، وكمان الرجال ال كانوا فى الجلسة التأسيسية على مستوى فكرى وثقافى مرضى جدا ، ومش أى حد ، ومن هنا بقول لهم جميعا أشكركم فأنتم تحبون مصر .

وعندما يتم الموافقة على الدستور من خلال الاستفتاء الشعبى ، ينتخب مجلس الشعب ،

وينتهى الاعلان الدستورى المرفوض من الرئيس مرسى
وكل شى ملحق به ، من حصانة وغيره

يا ناس فين المشكله بقى ؟؟
فى الناس ال مش عايزة أستقرار مصر ، وعايزها تبقى دمار وخراب ودماء ، وانا بشم ريحة أن هناك يد للفلول ،
وخاصة أنى عرفت أنهم فى السجون معهم كل شىء تليفونات ، وكمان لاب توب ، يعنى مبسوطين على الاخر
وهم بيتفرجوا على مسلسل الخراب والتدمير بمصر .

على العموم ده ال عندى والله أعلم وأعلى .

كلمه لكل الشباب المصريون :

أصحوا شوفوا مين المستفيد من كده
لاتقفوا أمام بعض كأعداء وأنما مدوا أيديكم لبعض
ساعدوا بعض حتى تخرجوا مصر من الظلام للنور
أوقفوا مهازل المظاهرات والاعتصام
أستخدموا عقولكم ولا تجعلوا أحدا يفكر لكم ربما تفكيركم يكون أفضل منهم بكثير .

تحيااااااااااا مصر تحياااااااااا مصر

 

Hnan Khaldon

 


facebook

 

يمكنكم ارسال مشاركاتكم واعمالكم على العنوان

 


newselmady@yahoo.com

 



التصنيف : مقالات

كل الحقوق محفوظة ل أراء حرةcpuram35

استضافة مجانية من موقع مدونات عبر ! | الموقع غير مسؤول عن محتويات المدونة، فقط صاحب المدونة يتحمل كامل المسؤولية عن مضامينها | التبليغ عن مخالفة- Report copyright abuse | سياسة الخصوصية |نسخة الموبايل