الكاتبة عائشة الماضي: من أنت






والذي لا تعلمه أنت بأن قد بدأت حياتي مرتين الأولى حين ولدتني أمي والثانية حين رأتك عيني وأدمنك قلبي) 

_ها بتكتبي لمين المرة دي

_وهو في غيره اللي أخد قلبي وأختفى بيه 

_أنتي بتهزري صح أنتي ماشفتهوش غير مرتين لحقتي تحبيه 

_اه لحقت....لحقت عشان معاه عرفت يعني إيه الحب من أول نظرة ولحقت عشان نظراته كلها آمان من اول مقابلة،أما الثانية ف دي كانت تاكيد للمشاعر هو ده الوقت اللي قلبي رفض يطلعه منه وروحي رفضت ترجعلي عشانه

_كلام جميل بس هو نساكي هو مش هيفضل مستنيكي كل ده  فات كتير على اخر مرة اتقابلتوا.. سنة تقريبا

_سنة وشهرين و3ايام وساعة 

عمري ماهنسي اليوم اللي قلبي دق بجد فيه

_طب مش خايفة يكون نساكي

_لا مش خايفة عشان متأكدة انه منسانيش ومش هينساني

_وانتي اتاكدتي منين

_اتاكدت لما في اول مقابلة لينا كان بيتأمل في عيني لمدة وبعدين كتبلي(وبعد هذه النظرة أقسم قلبي بأنه لن يحيا إلا لأجلك) 

ده كان وعده ليا وانا مصدقاه

_انتي هتجننيني

_انتي فصلتيني على فكرة انا همشي

"مشيت وروحت لمكاني المفضل البحر مكان لقائنا الاول"

بس الحقيقة اللي انا مش عارفة اعترف بيها ان مفيش(هو) مفيش حب من اول نظرة مفيش وعود... دي كانت مجرد شخصية من وحي خيالي ألفتها لما لقيت صحابي عايزين يعرفوني على اي  واحد عشان مبقاش لوحدي 

بس غصب عني حبيته حبيت الشخصية اللي ملهاش وجود غير في خيالي والاسوء اني صدقت الوعود المزيفة وفعلا مستنياه

_(اتنهدت) وانت هتيجي امتي بقى  ياعم التقيل

_اديني جيت اهو 

_أفندم ،مين حضرتك

_انتي كنتي مستنياني وانا جيت

_نعم

_ بصراحة انتي بقالك أكتر من سنة بتيجي هنا في نفس المعاد اللي انا باجي فيه وبحسك دايما بتدوري عليا

_عن اذنك (قومت وكنت همشي لكن اللي حصل وقف جسمي عن الحركة ) 

_"وبعد هذه النظرة أقسم قلبي بأنه لن يحيا الا لاجلك"

انا منطقتش بحرف وطلعت ورقتي بهدوء.. لما شافها ابتسم اجمل ابتسامة شوفتها ف حياتي من جمالها ابتسمت

_شوفتي بقى انك كنتي بتدوري عليا 

 وده كان لقائنا الأول ♥️.

(وكيف لي عدم الوقوع بغرامك وانا كلما انظر لعينيك تبحر بي لشواطئ حبك

________________________________#عائشةالماضي_____________________________

ولإرسال مشاركاتكم وأعمالكم 

إضغط هـــــنا



التصنيف : أفكار تائهة همسات حالمة

كل الحقوق محفوظة ل أراء حرةcpuram35

استضافة مجانية من موقع مدونات عبر ! | الموقع غير مسؤول عن محتويات المدونة، فقط صاحب المدونة يتحمل كامل المسؤولية عن مضامينها | التبليغ عن مخالفة- Report copyright abuse | سياسة الخصوصية |نسخة الموبايل